*कै. सुधीर शंकरराव आष्टे*
*मुख्याध्यापक, शंकरराव आष्टे प्रशाला, भुरीकवठे*
*माजी सरपंच, भुरीकवठे*
*पुण्यस्मरण: 30 एप्रिल 2021*
*शिक्षक, मुख्याध्यापक, लोकसेवक..... एका ऋषितुल्य व्यक्तिमत्वास विनम्र अभिवादन!.*
आज 30 एप्रिल... काळाने आपल्यातून एक हाडाचा शिक्षक, संवेदनशील लोकसेवक आणि खरा समाजसुधारक हिरावून घेतला तो दिवस. भुरीकवठे गावचे लाडके व्यक्तिमत्त्व, शंकरराव आष्टे प्रशालेचे मुख्याध्यापक व गावचे एक टर्म सरपंच *कै. सुधीर शंकरराव आष्टे सर* यांचा आज पाचवा स्मृतिदिन.
*‘गुरु’ शब्दाला शोभणारे व्यक्तिमत्त्व*
ग्रामीण भागात शाळा चालवणे म्हणजे तारेवरची कसरत. पण आष्टे सरांनी शंकरराव आष्टे प्रशाला केवळ चालवली नाही, तर ती एक _संस्कार केंद्र_ म्हणून नावारूपाला आणली. विद्यार्थ्यांची पटसंख्या कमी होऊ नये म्हणून त्यांनी स्वतः व सहकारी शिक्षकांसह पदरमोड करून मुलांना एस.टी. पास काढून दिले. शाळेची फी, परीक्षा फी, पुस्तके, गणवेश... गरजू विद्यार्थ्यांच्या शिक्षणाआड पैसा कधी येऊ दिला नाही.
*स्वतःच्या पगारातून उभारले वसतिगृहाचे स्वप्न*
लांबून येणाऱ्या विद्यार्थ्यांची गैरसोय होऊ नये म्हणून सरांनी स्वतःच्या पगारातील पैसा विद्यार्थी वसतिगृहासाठी खर्च केला. ‘पोरं शिकली पाहिजेत’ हा एकच ध्यास त्यांनी शेवटपर्यंत जपला. आज कित्येक विद्यार्थी डॉक्टर, इंजिनिअर, शिक्षक झाले, त्यामागे आष्टे सरांचे कष्ट व आशीर्वाद आहेत.
*सरपंच म्हणूनही लोकाभिमुख कारभार*
मुख्याध्यापक असतानाच गावकऱ्यांच्या आग्रहाखातर त्यांनी सरपंचपदाची जबाबदारीही समर्थपणे सांभाळली. शाळा व गाव... दोन्हींचा विकास हेच त्यांचे ध्येय होते.
आज सर आपल्यात नाहीत, पण भुरीकवठे प्रशालेच्या प्रत्येक भिंतीत, प्रत्येक वर्गात आणि शेकडो माजी विद्यार्थ्यांच्या यशात आष्टे सर जिवंत आहेत. त्यांनी लावलेली ज्ञानाची ज्योत आजही अखंड तेवत आहे.
*कै. सुधीर शंकरराव आष्टे सरांच्या पवित्र स्मृतीस विनम्र अभिवादन.*
__गुरुर्ब्रह्मा गुरुर्विष्णुः गुरुर्देवो महेश्वरः।__
__गुरुः साक्षात् परं ब्रह्म तस्मै श्री गुरवे नमः॥__
आपण दाखवलेला सेवाभाव, त्याग व शिक्षणनिष्ठा सदैव प्रेरणादायी राहील.
*भावपूर्ण श्रद्धांजली 🙏💐*
--- *वसंत पोतदार सोलापूर* ----
मोबा.*9423065915*
