विठ्ठलाच्या चरणी 3 कोटी 20 लाखाचे दान विठुरायाच्या श्रीमंती वाढु लागली
कार्तिकी यात्रे दरम्यान पंढरपूरातील विठ्ठल रुक्मिणी मंदिर समितीला 3 कोटी वीस लाख 59 हजार रूपयांचे उत्पन्न मिळाले आहे. यामध्ये भक्तनिवास, लाडू प्रसाद, देणगी पावती, दागिने , देवाच्या चरणी रोख, सोने, चांदी,ऑनलाईन देणगी, अन्नदान निधी, मोबाईल लाॅकर, परिवार देवता पुजा दान भाविकांनी अर्पण केले आहे.
सर्व सामान्यांचा, वारकरी, भाविक भक्ताचां देव अशी ओळख असलेल्या पंढरपूरच्या विठुरायांची श्रीमंती वाढू लागली आहे. कार्तिकी यात्रे दरम्यान विठुरायाच्या खजिन्यात रोख रकमेबरोबरच सोन्या चांदीच्या दागिन्यांची ही मोठी भर पडली आहे.
गतवर्षीच्या तुलनेत यंदा मंदिर समितीला एक कोटी वीस लाख रूपयांचे अधिक उत्पन्न मिळाल्याची माहिती मंदिर समिती प्रशासनाने दिली आहे.