क्रांतीवीर वसंत बाबाजी बडवे ट्रस्टचा हिंदुत्व शौर्य पुरस्कार उद्या पंढरीत तुकाराम भवन येथे होणार भव्य सत्कार
पंढरपूर ---(विनोद पोतदार)
महाराष्ट्रात प्रसिध्द असलेले क्रांतीवीर वसंत बाबाजी बडवे ट्रस्टचा हिंदुत्व शौर्य पुरस्कार यावेळी सुप्रसिध्द सिनेअभिनेते आणि स्वा. सावरकरांच्या साहित्याचे अभ्यासक शरद पोंक्षे यांना प्रदान केला जाणार आहे. येत्या बुधवार दिनांक ९ नोव्हेंबरला सायंकाळी ६ वाजता पंढरीतील संत तुकाराम भवनामध्ये होणार्या भव्य कार्यक्रमात ह. भ. प. जयवंत महाराज बोधलेंच्यासह विविध साधुसंतांच्या उपस्थितीमध्ये हा पुरस्कार प्रदान करण्यात येणार आहे.
या कार्यक्रमाला सकल जनांनी उपस्थित रहावे. असे आवाहन ट्रस्टचे अभयसिंह इचगावकर, विवेक बेणारे, महेश खिस्ते, बाळाराव डिंगरे, अनिल पवार , डॉ. पाचकवडे यांनी केले आहे. क्रांतीवीर वसंत बाबाजी बडवे यांच्या पुण्यस्मरणा निमित्ताने प्रतिवर्षी एका लढावु हिंदुत्वनिष्ठ नेत्या, कार्यकर्त्यांला हा पुरस्कार विठ्ठलाचा आशिर्वाद रुपाने प्रदान केला जातो. ११ सहस्त्र रुपये रोख, मानपत्र, हार, श्रीफळ, शाल, आणि श्री विठ्ठल रुक्मिणीचे दर्शन असे पुरस्काराचे स्वरुप आहे.
यावेळी या पुरस्कारासाठी निवड मंडळाने शरद पोंक्षे यांची निवड केली आहे. शरद पोंक्षे मराठी, हिंदी चित्रपट,नाटक, दुरदर्शन मालीकांमधे गाजलेले नट आहेत. तसेच ते कट्टर स्वा. सावरकरांचे भक्त आणि सावरकर साहित्याचे अभ्यासकही आहेत. त्यांनी स्वा. सावरकरांच्या साहित्यावर राज्यभर व्याख्याने दिली आहेत. तर पंडित नथुराम गोडसे यांच्या जीवनावरील .मी नथुराम गोडसे बोलतोय या प्रचंड गाजलेल्या नाटकात नथुराम गोडसेची भुमिका अत्यंत प्रभावीपणे साकारली होती. यामुळे त्यांचेवर अनेकदा प्राणघातक हल्लेही झाले आहेत. पण याला न घाबरता त्यांनी देशभरातील नागरीकांसमोर हे नाटक सादर केले. नुकतेच त्यांनी आपल्या लढावू वृत्तीला साजेल असे एका शारीरिक व्याधीला यशस्वी टक्कर देवुन पुन्हा वीर सावरकरांच्या विचारांचा प्रसार करणेसाठी ते सज्ज झाले आहेत. या कार्यक्रमासाठी पंढरीतील सर्व हिंदुत्वनिष्ठ संघटना प्रयत्न करत असुन , पोंक्षेंच्या विचारांची मेजवानी पंढरपूरकरांना मिळणार आहे.तरी पंढरपूरकर वासियांना विनंती कि आपण आवश्यक यावे असे आवाहन करण्यात आले आहे