श्री विठ्ठल सहकारी साखर कारखान्याचा ४१ वा गळीत हंगाम शुभारंभ दिमाखात
पंढरपूर ---(विनोद पोतदार)
श्री विठ्ठल सह. साखर कारखान्याचा ४१ वा गळीत हंगाम शुभारंभ दिनांक १६.१०.२००२ रोजी सकाळी • ११.०० वाजता या शुभमुहूर्तावर मा. विरोधी पक्ष नेते आमदार श्री प्रविणजी दरेकर, आमदार श्री शहाजीबापू पाटील, श्री शेखर गायकवाड साखर आयुक्त, पुणे आदी मान्यवरांच्या शुभहस्ते व कारखान्याचे चेअरमन श्री अभिजीत पाटील यांच्या उपस्थितीत संपन्न झाला. तसेच कलश पूजन कारखान्याचे संचालक श्री दत्तात्रय विश्वनाथ नरसाळे यांच्या शुभहस्ते करण्यात आले.
या प्रसंगी बोलताना आमदार
श्री शहाजी (बापू) पाटील म्हणाले की, या कारखान्यासाठी आ. श्री दरेकर साहेब यांनी आर्थिक मदत केली. जुन्या आठवणींना उजाळा देत असतांना संस्थापक चेअरमन कै. औदुंबर आण्णा पाटील यांचे वैचारिक वारसदार श्री अभिजीत पाटील असल्याचे सांगितले. गत वर्षी बंद अवस्थेत असलेला श्री विठ्ठल कारखाना चालू करून चेअरमन श्री अभिजीत पाटील यांनी शेतकरी सभासदांचा खर्या अर्थानि दुवा घेतल्याचे म्हणाले. अशा तडफदार तरुण कार्यकर्त्यांला पाठबळ देणेसाठी अभिजीत पाटील यांच्या सारख्या कार्यकर्त्यास विधानपरिषदेवर पाठविण्याचे काम आ. श्री प्रविण दरेकर यांनी करावे असे सांगितले. तसेच महाराष्ट्र राज्यात सर्वांत जास्त साखर उत्पादन करणारा चेअरमन म्हणून पुढील काळात श्री अभिजीत पाटील असतील असे म्हणाले.
स्वागत व प्रास्ताविक कारखान्याचे संचालक श्री तुकाराम मस्के सर यांनी केले, तर कारखान्याचे प्र. कार्यकारी संचालक श्री डी. आर. गायकवाड यांनी सर्व उपस्थितांचे आभार मानले.
या कार्यक्रमासाठी कारखान्याचे व्हाईस चेअरमन सौ. प्रेमलता रोंगे, संचालक सर्वश्री संभाजी भोसले, कालिदास पाटील, दिनकर चव्हाण, सुरेश भुसे, बाळासाहेब हाके, धनंजय काळे, साहेबराव नागणे, कालिदास साळुंखे, सचिन वाघाटे, जनक भोसले, प्रविण कोळेकर, नवनाथ नाईकनवरे, सिताराम गवळी, अशोक जाधव, सिध्देश्वर बंडगर, समाधान काळे, श्रीमती कलावती महादेव खटके, सौ सविता विठ्ठल रणदिवे, तज्ञ संचालक सर्वश्री दशरथ जाधव, अशोक तोंडले, तसेच एम.एस.सी. बँक प्रतिनिधी सी. एस. पाटील, धाराशिव साखर कारखान्याचे एम. डी. श्री अमर पाटील, मुंबई बँकेचे संचालक श्री विठ्ठलराव भोसले, साखर उपआयुक्त श्री संजयकुमार भोसले तसेच दामाजी कारखान्याचे माजी चेअरमन व सिताराम कारखान्याचे चेअरमन श्री शिवाजीराव काळुंगे सर व राजाराम सावंत, कारखान्याचे माजी संचालक, पंढरपूर व मंगळवेढा नगरपालिकेचे आजी-माजी नगरसेवक तसेच जिल्हा परिषद व पंचायत समितीचे सदस्य, सर्व अधिकारी व कर्मचारी वर्ग, कार्यकर्ते, सभासद, व्यापारी व हितचिंतक उपस्थिती होते.