लक्ष्मी हायड्रॉलिक्स प्रा. लि., सोलापूर येथे सिंहगड अभियांत्रिकी महाविद्यालय कोर्टी, पंढरपूर येथील यांत्रिकी अभियांत्रिकी विद्यार्थ्यांची औद्योगिक भेट; उद्योग–संस्था सहकार्याला नवी दिशा
पंढरपूर | प्रतिनिधी
एस. के. एन. सिंहगड कॉलेज ऑफ इंजिनिअरिंग, कोर्टी, पंढरपूर येथील यांत्रिकी अभियांत्रिकी विभागातील तृतीय वर्षाच्या विद्यार्थ्यांसाठी दिनांक २४ सप्टेंबर २०२६ रोजी लक्ष्मी हायड्रॉलिक्स प्रा. लि., सोलापूर येथे औद्योगिक भेटीचे यशस्वीरीत्या आयोजन करण्यात आले. या औद्योगिक भेटीच्या माध्यमातून विद्यार्थ्यांना प्रत्यक्ष औद्योगिक उत्पादन प्रक्रिया, यंत्रसामग्री, गुणवत्ता प्रणाली आणि उत्पादन कार्यपद्धतींचा अनुभव घेण्याची संधी मिळाली.
औद्योगिक भेटीदरम्यान विद्यार्थ्यांनी उत्पादन प्रक्रिया, सीएनसी मशिनिंग, मोटर निर्मिती, असेंब्ली प्रक्रिया, चाचणी व्यवस्था, गुणवत्ता तपासणी आणि औद्योगिक कार्यपद्धती यांचा जवळून अभ्यास केला. कंपनीच्या उत्पादन सुविधांमध्ये स्वयंचलित कॉइल वाइंडिंग मशीन, प्रगत सीएनसी मशीन, व्हॅक्यूम प्रेशर इम्प्रेग्नेशन (VPI) सुविधा, कन्व्हेयराइज्ड असेंब्ली लाईन्स आणि मोटर टेस्टिंग सुविधा उपलब्ध असल्याची माहिती विद्यार्थ्यांना मिळाली.
या भेटीमुळे विद्यार्थ्यांना अभियांत्रिकी अभ्यासक्रमातील सैद्धांतिक ज्ञानाचा प्रत्यक्ष औद्योगिक क्षेत्रातील उपयोग समजण्यास मदत झाली. विशेषतः उत्पादनातील अचूकता, गुणवत्ता नियंत्रण, चाचणी प्रक्रिया, यंत्रसामग्रीचा योग्य वापर, सुरक्षितता आणि कार्यक्षमता यांचे महत्त्व विद्यार्थ्यांच्या लक्षात आले. तसेच उद्योगामध्ये आधुनिक तंत्रज्ञानाचा वापर करून उत्पादनाची गुणवत्ता व विश्वासार्हता कशी सुनिश्चित केली जाते, याची प्रत्यक्ष माहिती विद्यार्थ्यांनी घेतली.
उद्योग–संस्था सहकार्याला नवी दिशा
या औद्योगिक भेटीचे विशेष वैशिष्ट्य म्हणजे एस. के. एन. सिंहगड कॉलेज ऑफ इंजिनिअरिंग आणि लक्ष्मी हायड्रॉलिक्स प्रा. लि., सोलापूर यांच्यात सामंजस्य करार (MOU) करण्यात आला. या सामंजस्य करारामुळे महाविद्यालय आणि उद्योग यांच्यातील सहकार्य अधिक दृढ होण्यास मदत होणार आहे.
या सामंजस्य कराराच्या माध्यमातून विद्यार्थ्यांसाठी विद्यार्थी देवाणघेवाण, प्राध्यापक देवाणघेवाण, इंटर्नशिपच्या संधी, औद्योगिक भेटी आणि प्लेसमेंटसाठी सहकार्य यांसारख्या विविध संधी उपलब्ध होणार आहेत. त्यामुळे विद्यार्थ्यांना त्यांच्या तांत्रिक कौशल्यांचा विकास करण्यासोबतच उद्योगाच्या अपेक्षा समजून घेण्याची आणि रोजगाराच्या संधींसाठी अधिक सक्षम होण्याची संधी मिळणार आहे.
या औद्योगिक भेटीचे समन्वयक प्रा. ए. डी. जाधव यांनी भेटीचे नियोजन व आयोजनामध्ये महत्त्वपूर्ण भूमिका बजावली. तसेच प्रा. ए. एस. कुलकर्णी आणि प्रा. जी. के. इनामदार हे विद्यार्थ्यांसोबत उपस्थित राहून त्यांना औद्योगिक प्रक्रियांचे निरीक्षण व आकलन करण्यासाठी मार्गदर्शन केले.
विद्यार्थ्यांना उद्योगाच्या प्रत्यक्ष वातावरणाचा अनुभव देण्याबरोबरच उद्योग–संस्था सहकार्याच्या माध्यमातून विद्यार्थ्यांसाठी भविष्यातील प्रशिक्षण, इंटर्नशिप आणि रोजगाराच्या संधी निर्माण करण्याच्या दृष्टीने हा उपक्रम महत्त्वपूर्ण ठरला.
ही औद्योगिक भेट व सामंजस्य करार यांत्रिकी अभियांत्रिकी विभागप्रमुख डॉ. एस. एस. कुलकर्णी, उपप्राचार्य डॉ. एस. जी. कुलकर्णी आणि प्राचार्य डॉ. कैलाश जगन्नाथ करांडे यांच्या मार्गदर्शनाखाली यशस्वीरीत्या पार पडला.
या उपक्रमामुळे “वर्गखोलीतील शिक्षण ते प्रत्यक्ष औद्योगिक अनुभव” हा दुवा अधिक दृढ झाला असून, उद्योगाच्या गरजांनुसार विद्यार्थ्यांच्या तांत्रिक कौशल्यांचा व रोजगारक्षमतेचा विकास करण्याच्या महाविद्यालयाच्या प्रयत्नांना अधिक बळ मिळाले.