पंढरपूर प्रतिनिधी--
पंढरपूर नगरपालिकेच्या निवडणुकीचा प्रचार अंतिम टप्प्यात आला आले. तीर्थक्षेत्र विकास आघाडीच्या वतीने नगराध्यक्ष पदाचे उमेदवार डॉ. प्रणिता भालके यांनी जाहीरनामा प्रसिद्ध केला असून. तो जाहीरनामा नसून आगामी काळात तो वचननामाच ठरेल असा विश्वासही भालके यांनी व्यक्त केला आहे.
पंढरपूर मंगळवेढा विधानसभा मतदारसंघाचे स्वर्गीय आमदार भारत नाना भालके यांच्या पाचव्या पुण्यतिथी निमित्ताने अभिवादन करण्यात आले.त्यानंतर हा जाहीर
नामा वाचून दाखविण्यात आला.यामध्ये खड्डे मुक्त आणि धूळ मुक्त पंढरपूर करणार.यासाठी पुणे, मुंबई मनपाच्या धर्तीवर धूळ मुक्तीची यंत्रणा उभा करणार नगरपालिका शाळाची भौतिक स्थिती सुधारून शैक्षणिक गुणवत्ता वाढ अभियान सुरू करून मॉडेल स्कूल तयार करणार.
नवी पेठ भाजी मंडई, इंदिरा गांधी भाजी मंडई, शेळके वस्ती भाजी मंडईमध्ये विक्रेत्यांना बसण्यासाठी कट्टे, वीज, पाणी, स्वच्छतागृह अशा सर्व मूलभूत सुविधा उपलब्ध करून देणार. शहरातील पद्मावती उद्यान विकसित करून त्यामध्ये पंढरीच्या सर्व दिवंगत माजी आमदारांचे स्मारक उभारणार.रखडलेली प्रधानमंत्री आवास योजना लाभार्थ्यांना सवलत देऊन तातडीने पूर्ण करणार.
नगरपालिकेच्या सर्व व्यापारी संकुलाचे दुरुस्तीसह मजबुतीकरण आणि सुधारणा करणार. आवश्यक त्या ठिकाणी नवीन व्यापारी संकुलाची उभारणी करणार.
जुन्या नगरपालिका इमारतीचा हेरिटेज इमारत म्हणून विकास करणार आणि पंढरपूरचा सांस्कृतिक इतिहास सांगणारे संग्रहालय त्या इमारतीमध्ये निर्माण करणार. उपनगर भागातील सर्व खुल्या जागा विकसित करून बालोद्याने, नाना-नानी पार्क निर्माण करणार.
स्मशानभूमी सुधारणा करणार, उपनगरी भागासाठी स्वतंत्र स्मशान भूमी निर्मिती करणार. सर्व सामान्य कुटुंबातील व्यक्ती मयत झाल्यास अंत्यसंस्काराचा खर्च नगरपालिकामार्फत करणार.पाच वर्षे घरगुती वापराची पाणीपट्टी दरवाढ न करता स्थिर ठेवणार.प्रदक्षिणा मार्ग आणि चंद्रभागा वाळवंट कायम स्वच्छतेसाठी स्वतंत्रयंत्रणा उभी करणार. शहर आणि उपनगरी भागात पालिकेच्या वतीने मोफत आरोग्य आधार क्लिनिक सुरू करणार.
शहरातील प्रत्येक वॉर्डामध्ये महिलांसाठी स्वतंत्र प्रसाधन गृहे निर्माण करणार.जेष्ठ नागरिक, दिव्यांग व्यक्ती आणि गरोदर महिलांसाठी मोफत ई-रिक्षाची व्यवस्था करणार.सर्व महापुरुषांच्या स्मारकांचे सुशोभिकरण आणि देखभालसाठी स्वतंत्र यंत्रणा निर्माण करणार. राजमाता अहिल्यादेवी होळकर यांचा पूर्णाकृती पुतळा उभा करून भव्य स्मारक निर्माण करणार.
आद्य क्रांतिकारक राघोजी भांगरे यांचे स्मारक अंबाबाई पटांगण (इंग्रज सरकारने अटक केली त्या ठिकाणी) येथील चौकात उभा करणार.पंढरपूर शहरात नवी पेठ परिसरात महात्मा बसवेश्वर यांचे स्मारक उभा करणार. भारतरत्न डॉ. ए. पी. जे. अब्दुल कलाम उभारणार, युवकांसाठी शहर आणि उपनगरात नगरपालिकेच्या खुल्या जागांमध्ये खेळाची मैदाने आणि ओपन जिम विकसित करणार.
लोकशाहीर आण्णाभाऊ साठे यांचे स्मारक अल्पावधीत पूर्ण करणार.नाथपंथी डवरी समाजासाठी सुंदर आणि सुसज्ज असे समाज भवन उभा करणार.लोकनियुक्त नगराध्यक्ष हा मंदिर समितीचा पदसिद्ध सदस्य असतो; त्या अधिकाराखाली मंदिर समितीमध्ये हंगामी आणि कायम कामगार हे सगळे "स्थानिकच" असावेत यासाठी प्रयत्न करणार.मंदिर समिती आणि नगरपालिकेच्या माध्यमातून मंदिर समितीच्या जागेत महिलांसाठी हरिपाठ भवन उभा करणार.
संपूर्ण शहराची मैलामिश्रीत पाण्यापासून सुटका करून शहराला शुद्ध पाणी पुरवठा करणार.स्पर्धा परिक्षा करणाऱ्या मुलांसाठी सुसज्ज अभ्यासिका व नागरिकां
साठी सार्वजनिक वाचनालय सुरू करणार.आदी विषय मांडले यावेळी भगीरथ भालके, साईनाथ अभंगराव, राष्ट्रवादी शरदचंद्र पवार पक्षाचे नेते अनिलदादा सावंत, धनंजय कोताळकर, मनसेचे नेते दिलीपबापू धोत्रेआदी तीर्थक्षेत्र विकास आघाडीचे नेते, उमेदवार उपस्थित होते.