सांगली प्रतिनिधी --
नाशिक जिल्ह्यातील मालेगाव तालुक्यातील डोंगराळे गावातील सोनार समाजातील कन्या कु.यज्ञा जगदीश दुसाने (वय ३) हिची अमानुष अत्याचार करून निर्घृण हत्या करण्यात आली. ही घटना समाजाचे हृदय पिळवटून टाकणारी आहे.
दि. 16 नोव्हेंबर रोजी तीन वर्षाची पिढीत मुलगी कुमारी यज्ञा घराच्या अंगणात खेळत होती त्यावेळी गावातील विजय खैरनार या 24 वर्षाच्या नराधमाने तिला गावातल्या एका टॉवर जवळ घेऊन गेला. तेथे तिच्यावर अत्याचार करून तिची निर्घृणपणे हत्या केली. मुलगी बेपत्ता झाल्याने घरच्यांनी गावकऱ्यांचे मदने शोध घेतला.धक्कादायक म्हणजे या शोध मोहिमेत आरोपी ही सहभागी होता. त्यानंतर मुलगी बेपत्ता झाली ची नोंद पोलिसांना देण्यात आली दरम्यान गावातील महिलेने आरोपीला मुलीला घेऊन जाताना पाहिली होती. तिने ही माहिती पोलीस व गावकऱ्यांना दिली.विजय खैरनार याला पोलिसांनी ताब्यात घेतले.या प्रकरणी मालेगाव तालुका पोलीस ठाण्यात गुन्हा दाखल करण्यात आला आहे. सदर आरोपीला फाशीची शिक्षा देण्यात यावी. तसेच ही अति संवेदनशील केस फास्ट ट्रॅक न्यायालयात चालवावी या मागणीसाठी आज दिनांक 28 नोव्हेंबर रोजी सांगली जिल्ह्यातील समस्त सोनार समाज बांधव-भगिनी,संस्था तसेच सर्व पंचाल शाखीय संस्थांचे वतीने उपजिल्हाधिकारी श्री.जगताप साहेब यांना एकत्रित निवेदन देण्यात आले.
कु. यज्ञास भावपूर्ण श्रद्धांजली अर्पण करण्यात आली या घटनेचा समाजाचे वतीने तीव्र निषेध व्यक्त करून यज्ञा व दुसाने कुटुंबास लवकरात लवकर न्याय मिळावा.ही विनंती निवेदनातून करण्यात आली.
याप्रसंगी अविनाश देवळेकर,अशोक मालवणकर सुरेंद्र पेंडुरकर,जितेंद्र पेंडुरकर, प्रकाश पोतदार, प्रीतम रेवणकर,प्रदीप पोतदार, संतोष देवळेकर, बाळकृष्ण कडणे, मोहित महामुनी,चंद्रकांत मालवणकर, राजेंद्र खेडेकर,गणेश सुतार,अनिल गडकरी,सुहास पोतदार, शिवनाथ देवळेकर,सचिन पोतदार, ज्ञानेश्वर पोतदार (मिरज) आदीं सह समस्त समाज बांधव बहुसंख्येने उपस्थित होते.
सहभागी सुवर्णकार समाज संस्था -
# श्री विश्वकर्मा सुवर्णकार समाज,सांगली (पंचाल),
# दैवज्ञ समाज संस्था, सांगली,
# देशस्थ सोनार समाज संस्था,सांगली,
# सांगली शहर सुवर्णकार संघ,सांगली,
# श्री विश्वकर्मा पंचाल सुवर्णकार समाज महासंघ, महाराष्ट्र,
# दैवज्ञ ब्राह्मण संस्था, सांगली,
# दैवज्ञ हितवर्धक समाज संस्था,सांगली
# श्री विश्वकर्मा पांचाळ समाज,सांगली (सुतार)
# अखिल भारतीय सोनार हितकारणी सभा
# पांचाळ सोनार समाज महामंडळ,महाराष्ट्र राज्य
# सांगली जिल्हा स्वातंत्र्य सैनिक उत्तराधिकारी संघ, सांगली
...............
संबंधित निवेदन -
प्रत माहितीसाठी -
√मा.पालकमंत्री श्री चंद्रकांत दादा पाटील,सांगली जिल्हा
√खासदार विशाल पाटील, सांगली लोकसभा
√आमदार सुधीर दादा गाडगीळ, सांगली विधानसभा
√आमदार सुरेश खाडे,मिरज विधानसभा
देणेत आली.