पंढरपूर नगराध्यक्ष निश्चितच भाजपाचच
पंढरपूर प्रतिनिधी--
पंढरपूर येथे आज शनिवार दि.२९ नोव्हेंबर रोजी नगरपालिका निवडणुकिच्या पार्श्वभूमीवर भाजप आणि शहर विकास आघाडीच्या वतीने भव्य प्रचार रॅली काढण्यात आली यावेळी हजारो नागरिकांचा अत्यंत उत्साही प्रतिसाद मिळाला. यामध्ये महिलांचा सहभाग उस्फुर्त होता.
या प्रचारसभेत आमदार समाधान आवताडे, माजी आमदार प्रशांत परिचारक, माजी नगराध्यक्ष लक्ष्मण शिरसट सौ.शामलताई शिरसट व नगरसेवक पदाचे उमेदवार आणि पदाधिकारी कार्यकर्ते मोठ्या संखेने उपस्थित होते.
छत्रपती शिवाजी महाराज यांच्या पुतळ्यास पुष्पहार अर्पण करण्यात आला. यावेळी आमदार समाधान अवताडे म्हणाले, विरोधक हे सरकोली मधून येथे आले आहेत, यांना पंढरपूर शहराशी काही देणेघेणे नाही. स्वतःचे राजकीय पुनर्वसन करण्यासाठी निवडणूक लढवत आहेत, विरोधकांच्या भूलथापाना बळी पडू नका.
शहरातील झालेली विकासकामे व प्रस्तावित विकास कामे जनते समोर मांडताना पंढरपूरचा विकासासाठी पंढरपूरच्या नागरिकांनचे पाठबळ असणं आवश्यक असल्याचे त्यांनी सांगितले.
मुख्यमंत्री लाडकी बहीण योजनाच्या सर्व बहिणी भाजपच्या पाठीशी आहेत, त्यामुळे नगराध्यक्ष यांचेसह सर्व नगरसेवकांचा विजय निश्चित आहे.
केंद्र व राज्य शासनाचे वेगवेगळ्या योजनांचे लाभार्थी जसे लाडकी बहीण, विश्वकर्मा योजना, प्रधानमंत्री आवास योजना, जनधन खाते, आयुष्मान भारत अशा विविध योजनांचे लाभार्थी तसेच शेतकरी बांधवांना विमा योजना, नैसर्गिक आपत्तीत शेतकऱ्यांना केलेली आर्थिक मदत आदी बाबींचा विचार करून मतदार राजा भाजपाच्या सरकार सोबतच राहणार.केंद्रात मोदी राज्यात देवेंद्र यांचे महायुतीमुळे संपुर्ण जिल्ह्यात कमळ फुलणार असल्याचे चित्र दिसून येत आहे
यानंतर पुण्यश्लोक अहिल्यादेवी होळकर यांच्या पुतळ्यास पुष्पहार अर्पण करून संपूर्ण शहरातून प्रचारफेरी उत्साहात काढण्यात आली यावेळी मिळत असलेल्या अमाप प्रतिसाद पाहून भाजप या पक्षाच्या नगराध्यक्ष होणार हे स्पष्ट झाले.