वारकरी फडकरी दिंडी समाज संघटना वारकरी संप्रदाय पाईक संघ,विश्व वारकरी संघ ,श्री संत ज्ञानेश्वर महाराज पालखी सोहळा दिंडी समाज ,यांचे प्रतिनिधी, महाराज मंडळी प्रामुख्याने उपस्थित होते
पंढरपूर --प्रतिनिधी
श्री संत कबीर महाराज मठ या ठिकाणी वारकरी संप्रदायातील जेष्ठ फडकरी, दिंडीप्रमुख, मठाधिपती,संस्थानिक यांची बैठक संपन्न झाली.यात महाराष्ट्र शासनाच्या द्वारे सादर केलेल्या पंढरपुर विकास आराखड्यातील प्रस्तावित 'काॅरीडाॅर ' प्रकल्पाला विरोध करण्याचा ठराव एकमताने मंजूर करण्यात आला.
वारकरी संप्रदायाचा कुठेही विकासाला विरोध नाही.मात्र पंढरपुर चा विकास आराखडा राबवत असताना वारकरी संप्रदायाला विचारात घेणे आवश्यक होते.मात्र तसे झालेले नाही.त्यामुळे वारकरी संप्रदायाला विश्वासात घेऊनच आराखडा तयार केला पाहिजे यासाठी आम्ही आग्रही आहोत अशी भूमिका सर्वांनी मांडली.
पंढरपूर तिर्थक्षेत्र बचाव समिती सोबत मिळून वारकरी दृष्टीने नवा विकास आराखडा मा.मुख्यमंत्री व उपमुख्यमंत्री यांच्या समोर सादर लवकरच सादर करु. तोपर्यंत चालू काॅरीडाॅर प्रकल्पास विरोध दर्शवण्यासाठी सोमवारी मार्गशीर्ष शुद्ध द्वादशीला दिंडी काढून शासनास काॅरीडाॅरला प्रखर विरोधाचे निवेदन देण्यात येणार असल्याचे त्यांनी सांगितले आहे
यावेळी समस्त वारकरी फडकरी दिंडी समाज संघटना ,वारकरी संप्रदाय पाईक संघ,विश्व वारकरी संघ ,श्री संत ज्ञानेश्वर महाराज पालखी सोहळा दिंडी समाज यांचे प्रतिनिधी, महाराज मंडळी प्रामुख्याने उपस्थित यामध्ये देहुकर महाराज,वासकर महाराज, नामदास महाराज कबीर महाराज, ठाकूर महाराज, उखळीकर महाराज,चवरे महाराज, गुरव महाराज, हंडे महाराज, नंधानकर महाराज, पैठणकर महाराज, देशमुख महाराज.तसेच अनेक फडकरी मठाधिपती ,दिंडीप्रमुख,संस्थानिक उपस्थित होते.