मनसे नेते दिलीप धोत्रे यांच्या वतीने स्वखर्चाने दुरुस्ती व स्वच्छतेचे काम सुरू
एक कट्टा दुरुस्ती ला तीन दिवस लागणार असून सलग पंधरा दिवसात हे काम पूर्ण करण्यात येणार आहे. गेली अनेक वर्षे झाले या स्मशान भूमीची अवस्था दयनीय झाली असून प्रचंड अस्वच्छता पसरली आहे, ही स्मशान भूमी दुरुस्त करण्याची शहरातील नागरिकांची अनेक दिवसाची मागणी असुन देखील याकडे प्रशासनाकडून दुर्लक्ष करण्यात आले आहे.त्या ठिकाणी खड्डे पडलेले आहेत. दहन करताना नागरिकांना अनेक अडचणीना सामोरी जावे लागते.यासाठी खास सातारा येथून फायर ब्रिक्स वीट आणण्यात आली आहे. या सर्व कट्टयाच्या दुरुस्तीचे नवीन बांधकाम करण्याचे काम रविवार दिनांक 6 नोव्हेंबर रोजी सकाळी दहा वाजल्यापासून हिंदू स्मशानभूमी येथे करण्यात येत आहे. महाराष्ट्र नवनिर्माण सेनेने अतिशय चांगला उपक्रम हाती घेतला असून नागरिकांत समाधान व्यक्त करण्यात येत आहे. स्मशान भूमीचा पूर्ण परिसर स्वच्छ करण्यात येणारअसून नागरिकांना बसण्यासाठी चांगली सोय करण्यात येणार आहे.
पंढरपूर ---(विनोद पोतदार)
पंढरपूर शहरातील हिंदू स्मशान भूमीमध्ये मृत्यूनंतर ज्या कट्ट्यावर दहन करण्यात येते ते पाचही कट्टे खूपच खराब झालेले आहेत. कट्ट्यावरील सर्व कॉक्रीट फुटलेले आहे. विटा तुटलेल्या आहेत. दहन विधी करताना या ठिकाणी अनेक अडचणी येत आहेत. या सर्वच कट्टयाची दुरुस्ती आणि नवीन फायर ब्रिक्स विटा बसवण्याचे काम मनसे नेते दिलीप धोत्रे यांच्या वतीने स्वखर्चाने करुन देण्यात येत आहे.
यावेळी समाजसेवक नानासाहेब कदम, नगरसेवक लखन चौगुले, नगरसेवक किरण घाडगे, नगरसेवक शिवाजी मस्के, नगरसेवक प्रशांत शिंदे, नगरसेवक आदित्य फत्तेपुरकर, नगरसेवक महंमद उस्ताद, मनसेचे तालुका अध्यक्ष शशिकांत पाटील, मनसेचे शहराध्यक्ष संतोष कवडे.मनसेवक गणेश पिंपळनेरकर, राष्ट्रवादीचे श्रीकांत आवा शिंदे, साईनाथ बडवे, समाजसेवक बजरंग बंदपट्टे, सुरज देवकर हिंद महासभेचे अध्यक्ष बाळासाहेब डिंगरे, नगरसेवक विवेक बेणारे, अभयसिंग इचगावकर आदी मान्यवर उपस्थित होते.